شعرلری تقدیم به شما

دِلِ خَش نی که غَزَل خون آبوم

لیلی هم نیسه که مجنون آبوم

بلبلی نیسه که چهچه بِزَنِه

نرگسی نیسه که افسون آبوم

جُفتِ گُل بوم ونسیمِ نَفَسِش

مَهسهِ میخَکَلِ خاتون آبوم

روبرو گُل بنشینُم هَر شَو

مَحوِ او زُلفِ پَریشون آبوم

تیغِ بُرگِش دِلِمَ زَخم کُنِه

تا وَ عِشقِش تَش وُتیفون آبوم

داغِ ای وُردَلِ خالی کُشتُم

چی دَ نیخایه که داغون آبوم

یوسِفی بییُم وُأُفتامِه وَچَه

توخُو نیخَی که مُو ارزون آبوم

أر وَ لَو خَنده ی گُل دِل خَش بوم

مو یَه پا مُرغ ِغَزَل خون آبوم

سروده:قاسم بدره